2007.05.12

Jak zaglóndóm

Jak zaglóndóm tak do zadku,

W downe czasy, kajś za siebie,

Serce ścisko sie w człowieku,

Żol mi, Ślónsku, Ciebie.

Kaj podzioły sie te czasy

Z dzieciństwa naszego.

Tamte miasta, wioski nasze,

Jak przipomnia wszystko sobie,

To najbardziyj mi zol...



Tych starych familoków,

Klopsztangi przi hasioku,

Kaj piwko my se pili,

Tych ze fuzbalu szpili.,

Jak starzik, ujec, tata,

Przed laubóm grali szkata,

Tych swojskich klimatów

I z chlywika gratów.



Jak pomyśla o tych czasach,

O tych szansach, co ktoś ukrod,

Ktoś nóm zabroł przeszłość nasza,

Na sercu je smutno.

Trza zachować, co zostało,

Co sie jeszcze udo.

Tamte miasta, wioski nasze,

Jak przipomnia wszystko sobie,

To najbardziyj mi żol...


Tych starych familoków...


Fojerman

Uwaga. Śpiywać do melodyje "Kolorowe jarmarki"