Ślónsk mo niy yno prziszłość,

mo historyjo swoja ,

tóż wert je pomyśleć czasym,

o tym, co było wczora.



Ślónsk, to niy yno wice,

Ślónsk, to niy yno gruby,

to tyż Łambinowice

i lata ciynżkij próby.



Ślónsk, to były powstania,

wywózki, Sybir, Katyń,

Ślónsk mioł tyż czorne karty

i mioł tragiczne daty.



Kery chciołby sie prziznać,

że tu mo tyn swój dóm,

miołby ta Ojcowizna

poznać ze wszystkich strón.


Fojerman