2012.09.02

Pozōr na dymbiōnki

Rod tak siedza pod strōmym,

Czy to je brzim, czy dōmb,

Po ślōnsku se bojómy,

Bo my sōm przeca stōnd.

Tōż jo mu trocha bojōm,

Coch widzioł, słyszoł, znoł,

A ōn mi, mowōm swojōm,

Tyż szumi, choć sam stoł,

Bo widzioł tyż niejedne,

Słyszół, za tela lot.

Nieroz na aście siednie,

Cukrōwka, abo szpok.

Poradzóm godać piyknie,

Tōż słōchōm ich tak rod.

Yno siednyć se styknie...

Oroz dymbiōnek spod

I jak mie klupnōł w czoło,

To pokozało mi,

Że nima tak wesoło,

Mie sie to yno śni.

Fojerman