2008.09.20

piosku ziorynko

pisza po naszymu

leja se ta woda

ukłodóm do rymu

nasze ślónski słowa

jak tata mie uczół

mamulka godała

tóż bele wiersz ruszół

a woda leciała

nie zaglóndóm w gwiozdy

nie sióngóm wysoko

chodza tak jak kożdy

a otwiyróm oko

słóchóm co sie dzieje

co śpiywajóm ptoki

z czego sie kóń śmieje

o czym skrzeczóm sroki

co tyn kamiyń słyszoł

kery w polu leżoł

oń mi padoł dzisio

o tym co sam przeżół

jo piosku ziorynko

nic sam nie pómoga

jedynie do rymu

woda poloć moga

tóż niech woda płynie

tam kaj jo nie zańda

niech godka nie zginie

godać niyma gańba

Fojerman