2007.11.19

Sóm taki dni

Sóm taki dni,

Że siedzisz nad rzykóm,

Chytosz woda w palce,

Óna ci ucieko

Przegrywosz w tej walce,

Jak w zyciu.



Sóm taki dni,

Że płacze Ci dusza,

Bo ktoś Ci sie śni,

Tyn głos słyszysz w uszach,

Siedzisz wtedy cicho

I czekosz.



Sóm taki dni,

Że niy mosz pomysłu,

Jak mosz dali żyć,

Sypie Ci sie wszystko,

Skłodosz wtedy rynce

i rzykosz.



Sóm taki dni,

Że idziesz przed siebie,

Cały świat je zły

I gwiazdy na niebie,

Niy chce Ci sie żyć,

Uciekosz.



Dość takich dni!.

Rozejrzij sie w koło.

Możno je kajś ktoś,

Kto do Ciebie woło,

Poszukej drugigo

człowieka.


Fojerman