Bōł
żech ôtok ôddać krew, a dostoł żech przi tymu taki piykny
czerwiōny heft. Rozważowoł żech, co by z nim zrobić, bo przeca
terazki pisze sie głōwnie na kōmputerze? Prziszoł żech na to, że
jo niy mōm żodnych tekstów pisanych ryncznie. A możno by tak co
napisać? Tak żech uznoł, że zaczna pisać nowo ”ksiōnżka” w
tym hefcie. Tytuł już mōm „Podziel sie sobōm, styknie nōm
ôbōm”. Je to hasło, co żech go wymyślōł pora lot tymu, jak
żech sie zarejestrowoł na dawce szpiku. A treść? Jeszcze sōm niy
wiym. Na pewno moji teksty, na pewno po ślōnsku, trocha tekstōw z
miszmaszu, trocha z giskany, ale tyż ze szuflody. Jedyny warōnek:
teksty majōm być krōtki, niy dłōgsze, jak na jedna strōna, coby
szło na wartko co przeczytać, bez szkartowanio.
Co
potym zrobia z tōm „ksiōnżkōm”? Na razie jeszcze niy wiym.
Piyrsze musza jōm napisać, a to może trwać tydziyń, a może
dziesiynć lot. Możno ôstawia se jōm na pamiōntka, możno kōmu
podaruja. Na pewno niy byda za nia broł kasy, ale tyż za darmo jōm
żodnymu niy dōm. :)
Tōż
na razie zaczna pisać swoja ksiōnżka a na Giskanie Fojermana roz
za czas wciepna jaki zdjynci, jak żech je daleko.
.png)
.jpg)