2011.02.16

Poeta?

Keryś mi padoł, żech je poeta,

A jo se yno trzi po trzi pleta,

Trocha wicuja, trocha rymuja

I sie poetóm żodnym nie czuja.

Jo se sam żyja na Ślónsku skrómnie

I obserwuja tyn świat koło mie,

Czasym zapisza te swoji myśli,

Co kaj usłysza, co mi sie prziśni.

A na co mi to, te wszystki rymy?

My sie ze sobóm dobrze czujymy.

Tak sie to wszystko fajnie ukłodo,

I człowiek przi nich czuje sie młodo.

A jak sie kedyś zmierznie, to przecież

Dycko se moga zrobić DELETE.

Fojerman