2009.05.31

A jo wola...

Ludzie dzisiej robióm kasa:

spólki, firmy, banków masa.

Jedyn w handlu, drugi w mediach,

trzeci w w syjmie gro kómedia.

A jo wola los robola,

wola do sia panym być,

kij do gości, tak je prości

iść bez życi, wolnym być...

Ludzie pijóm różne trunki:

zeltry, mlyka, czy śmietónki,

jedyn z krauzy, drugi z szolki,

z tytki brauzy, sznaps gorzołki.

A jo wola pić jabola,

poczuć w gymbie siarki smak.

Lubia eli szpónt wystrzeli

i pociongna z gwinta tak.

Ludzie dzisiej chcóm mieć willa,

bryka, fóra, bele co,

nowe musi być co chwila,

a jo sie z nich śmieja, bo...

Bo jo wola grubo bola

tak podrazić se pod rzić,

bónki zbijać, jabol pijać,

wola jak sowizdrzoł żyć.

Fojerman