2006.09.26

Stary krziż

Stoi przi dródze krziż stary,

a pod nim świyże kwiotka,

oznaka ojców naszych wiary.

Piyknie je widok taki spotkać.



To je tradycjo naszych przodków

i trzeba dali to szanować,

na rowno z naszóm, ślónskóm godkóm,

pod krziżym skłónić nisko głowa.



Nikedy wert je stanyć przi kaplicy,

pomyśleć o latach miniónych,

spómnieć o ludziach z okolicy,

tragediach niyodgodniónych.



Tam nasze ojce, starziki,

o tyn Ślónsk krew przeloli,

a teraz te pómniki

niszczejóm, że serce boli.



Dużo jest takich przikładów

przi drógach, polach, lasach,

oby niy myni śladów

zostało po naszych czasach.



Teraz mómy wolność,

niy trzeba krwie przelywać,

ale tym bardziyj niy wolno

historyje z pamiynci wyrywać.


Fojerman