2009.06.09

Osioł a małpica

Idzie osioł dróżkóm, bez zielóny las,

a tu oroz w wiyrchu coś go bez łep: prask.

Małpica ze stróma dymbiónkami ciepie,

tóż sie myśł osłowi narodziyła w łepie:

Wyleza po strómie, a małpica chyca,

niy bydzie za błozna mie robiyła przeca.

Ruszył fest do przodku, spino sie do góry,

ale mu kopyta skełzujóm ze skóry.

Próbuje podskoczyć, wraco sie roz, drugi,

oroz sie potoczył i leży jak długi.

W łepie mu fest szumi, dymbionka go klupie,

Jak furgać niy umisz, siedź grzecznie na dupie.

Fojerman