2009.10.25

A jo tyróm

Roz w atlasie, w naszej klasie,

Zobrze, a Glywice

bawiyły się dobrze,

porobiyły wice

inkszym wsióm, a miastóm.

Zastoł żech ich przi tym.

Porzóndku się chytóm

i sie pytóm:

kaj je Bytóm?

Tyn stary sklerotyk,

zaszoł do Tychów, nie do tych.

A Łaziska, chocioż z bliska,

nie chciały Mikołów pożyczyć.

Musioł żech muskle ćwiczyć

i deptać. We Reptach

trefiył żech tam Piekary.

A tukej Bieruń Stary,

choć był sam jeszcze wczora,

to dzisiaj je we Żorach, we Raju.

Na kraju, z boku troszka,

brakuje mi śpioszka Toszka.

Tyn sie w Chorzowie chowie,

na banhowie.

Z bankóm sie wybiyro

ku Wyróm.

A jo tyróm i tyróm...

Pomału dostowóm bzika.

Zawiyźcie mie do Rybnika.

Kaj żech miyszkoł dycko.

Ulica znocie? Glywicko

Fojerman