2007.08.27

Impreza we familoku

W familoku je impreza,

wszyscy u Zeflika sóm,

baby noszóm na talyrzach,

chłopy w karty, w szkata, rżnóm.



U Zeflika dzisiej świynto,

ón zaś bydzie starszy rok,

tóż familok tyż pamiyntoł

i postawić musioł chłop.



Bo jak ślónzok mo gyburstag,

kożdy z nos to przeca zno,

to we flaszkach mo ón pusto,

za to we blómwazach fol.



Jak wybije zygor północ,

to trza du dóm ruszać spać,

choć sie karty fajnie cióngło,

to trza do roboty wstać.



Jutro bydzie kożdy chory,

chłopów bydzie trzimoł kac,

baby przidóm pómóc pomyć

i impreza bydzie zaś.



Cały tydziyń sie bawiymy,

jak mo urodziny ktoś.

My okazjo se znojdymy,

żodno niyma przeca zło.


Fojerman