2019.12.25

Piechty do Betlejym

Poszły roz Ślōnzoki piechty do Betlejym,

Bo tyż chciały wiedzieć, co sie to tam dzieje.

Trefiyli Marija ze Zefkym przi żłōbku,

A przi nich Dzieciōntko na sianie, we chłōdku.

Żol sie fest zrobiyło ludziōm skuli tego,

Dyć sami niy mieli za wiela niczego,

Tōż poseblykali plyjty, jakle, cwitry,

A kożdy jak umioł Dzieciōnteczko przikrył.

Nyno już Jezusek w tej kolybce swojij,

Mamulka Marija tyż sie już niy boji,

Zefek je spokojny, niy mo już starości,

Fest mo chłop uciecha z byzuchu ôd gości.

Niy trza być bogaty, mieć mira ze złotym,

Styknie być uczciwy, mieć chynć do roboty,

Trza mieć dobre serce, a wiara we ludzi,

Że nōm w ciynżkich chwilach przocieli przikludzi.

Fojerman