2009-04-11

O kozłach a bizónach.

Kośniki reż sieczóm,

baby ubiyrajóm,

dziecka snopki niesóm,

a w kozły stawiajóm

Potym zagrabujóm

słóma na powrósła

i nimi zwiónzujóm

do kupy te kłóska.

Kozły, jak wojoki,

rowno bydóm stoły,

aż ich drabinioki

zwiezóm do stodoły.

Na kóniec cepóma

pieróm w prawo, w lewo,

zbieróm ziorka, słóma,

a wyciepióm plewo.

Dzisiej nasze dzieci

już tego nie znajóm,

bo bez pole leci

sześć Bizónów rajóm

Fojerman