2008.02.04

Ojcowizna

Tak sie jakoś teraz porobiyło,

Że po wiekach niewole, zaborów,

Kej na mapach nas wcale niy było,

Los zostawiył nóm prawo wyboru.

Kedyś żodyn sie z nami niy liczył,

Wóngel spod ziymie nóm krod i nas truł,

Choć niy jedyn przepłaciył sam życiym,

To kożdy tukej Ślónzokiym sie czuł.



Starzik dboł o tradycjo

I naszyj godce przoł,

O Ślónsku myśloł dycko,

Bo Ón go w sobie mioł.



Teraz, z dnia na dziyń, wszystko sie zmiynio,

W czasach wolności nasz Ślónsk kóńczy sie,

Godki naszyj żodyn niy docynio,

Kożdy światowcym teraz zostać chce.

Tóż kóńczcie szkoły, idźcie sie uczyć,

Wszystko, co dobre, ze świata trza brać.

Nauka tego niy może wykluczyć:

Tradycje ojców musisz ale znać!



Dyć sam mosz Ojcowizna,

Sam możesz godnie żyć,

Do ziymie tyj sie prziznać

I cherny z tego być.

Fojerman