2015.12.26

Och, Malutki, Malutki…

/Oj, Maluśki, Maluśki.../

Ôch, Malutki, Malutki, Malutki,

Choćby rynkawiczka,

Abo tyż tak podany, podany

Do kōnściczka smyczka.

Ref.: Śpiywejcie a grejcie Mu. Małymu, Małymu...

Czy niy lepszy Ci było, Ci było

Siedzieć tam we niebie,

Dyć Twōj Tata Ci tak przoł, Ci tak przoł,

Niy wyganioł Ciebie.

Śpiywejcie a grejcie Mu. Małymu, Małymu...

Tam tak srogo wygoda, wygoda,

A sam biyda piszczy;

Tak Cie teraz szteruje, szteruje,

A tak bydzie dycki.

Śpiywejcie a grejcie Mu. Małymu, Małymu...

Tam żeś mioł te sztepdeki, sztepdeki

A piykne piżamy,

A sam na to niy styko, niy styko

Twojij biydnej Mamy.

Śpiywejcie a grejcie Mu. Małymu, Małymu...

Tam papinki żeś jodoł, żeś jodoł,

K

Głód

A sam teraz Cie kormiōm, Cie kormiōm

Yno samym głodym.

Śpiywejcie a grejcie Mu. Małymu, Małymu...

Popijoł żeś rozmańte, rozmańte,

Słodki moczki, bryje,

Sam sie Twoja gymbiczka, gymbiczka

Tych płaczkōw ôpije.

Śpiywejcie a grejcie Mu. Małymu, Małymu...

Tam Ci dycko służyły, służyły,

Przecudne anioły,

A sam yno tak leżysz, tak leżysz,

Jak tyn palec goły.

Śpiywejcie a grejcie Mu. Małymu, Małymu...

Tōż, co sie Ci takigo, takigo

Jezusiczku stało,

Że Ci sie sam tak wartko, tak wartko

Na tyn świat śpiychało?

Śpiywejcie a grejcie Mu. Małymu, Małymu...

Dyć, jak bych jo, tak, jak Ty, tak, jak Ty,

Krōlowoł tam, Panie,

Niy chcioł bych jo sam nigdy, sam nigdy,

Leżeć na tym sianie.

Śpiywejcie a grejcie Mu. Małymu, Małymu...

Choćby i za zapłata, zapłata,

Choćby mi dowali

Złotek jedyn, a drugi, a drugi,

Groszami ciepali.

Śpiywejcie a grejcie Mu. Małymu, Małymu...

Abo sie wrōć Jezusku, Jezusku,

Ku niebu kalupym,

Abo sie dej tak zaniyś, tak zamiyć

Do mojij chałupy.

Śpiywejcie a grejcie Mu. Małymu, Małymu...

Bydziesz sie tam mioł piyknie, mioł piyknie,

Choćby u sia w niebie,

Mōm jo mlyka słodkigo, słodkigo

Gorneczek dlo Ciebie.

Śpiywejcie a grejcie Mu. Małymu, Małymu...

Fojerman