2006.11.09

Mój Ślónsk ukochany

Cudze chwolicie, swojigo niy znocie,

sami niy wiycie, co u sia mocie.

Kożdy by jeździył kajś po Europie,

a jo Ci padóm: w dóma siedź chopie.



Tu fajne miejsca tyż idzie spotkać

i możesz słóchać ta ślónsko godka.

Żodyn niy bydzie sie krziwo dziwoł,

żeś sie po ślónsku w sklepie odzywoł.



I piykne lasy tyż tukej mómy,

rosnóm w nich taki, jak wszyndziy strómy.

A nasze rzyki, łónki i pola,

jo ich nad wszysto na świecie wola.



Tukej je piyknie, jo padóm Wóm,

przeca tu mómy nasz, ślónski dóm,

niy trzeba jeździć nóm nikaj w goście,

yno Europa do sia zaproście.


Fojerman