2006.06.25

Klupani w knefle

Jo sie Wóm musza do tego prziznać,

że yno tu siedza i pisza głupoty

i już sie w dóma wszystkim brzidna,

bo niy chca sie chycić porzóndnyj roboty.



Tak mi sie stało na stare lata:

jak rano stowóm, klupia w te knefle,

niy widza za tym inkszego świata,

a o północy spać mi sie niy chce.



Za chwila z dómu mie wykurzóm,

dejcie mi na to jakiś lyki,

bo jo przeginóm już za dużo,

przestóńcie czytać te wierszyki.



Jo Wos ostrzegóm przed wielkóm chajóm,

chcecie - czytejcie, Wasza sprawa,

jak mi ta skrzinka w dóma strzaskajóm,

to jo to zwala wszystko na Was.


Fojerman