2005.07.25

Antek i Francek

Antek i Francek miyszkajóm chałupa przi chałupie.

Jak Antek drzymie, Francek mu na dźwiyrze klupie:

- Słóchej Antek, leć kalupym, twoji kozy za chałupóm

Przelazły naszóm miedzóm i mi cało ćwikel zjedzóm.

Na to Antek: - Po co klupiesz? O te trocha ćwikle gupiej?

Przeca padosz sóm za miedzóm, óne w twojij ćwikli siedzóm.

Poszoł Antek do chałupy: - Niych wachuje Francek gupi.

Po co mi zawraco głowa, sóm se może powachować.

Antek przed chałupóm siedzi, a tu coś po polu leci

I do tego straszny smród, kto by to wytrzimać móg.

Woło na Francka: - Chłopie, co to śmierdzi w tyj przikopie?

Ón mu na to: - Na zegródka plompia z chlywika gnojówka.

- Ale óna dó mie płynie, bo jo miyszkóm tu w dolinie.

- Przeca to niy moja wina, że u ciebie jest dolina.

Czyto se Francek gazeta i widzi Antka z daleka,

Jak ón loce w guminiokach i kopie wartko przikopa,

Bo gnojówka bez plac leci, a tam tyndy chodzóm dzieci.

Niy chcioł Antek kóz wygóniać, to gnojówka musi wóniać.


Fojerman