|
2011.12.24
Kolynda bezdōmnego
W starym chlywiku przi familoku
Ktoś se kolynda nuci po ćmoku,
Choć go niy styko na żodno ryba
I choć Dzieciōntka niy dostołm chyba,
A marzyń ôn tyż niy mioł za wiela,
Chciołby kaj trefić dzisiej przociela.
Wszyscy sie skryli we swojich dōmach
I sie ôpłatkym zaczli już łōmać,
A tukej cima, cicho i gucho,
Tōż tyj kolyndy żodyn niy słōcho.
Kajś tam w Betlejym je staro szopa,
Możno Dzieciōntko zrozumi chłopa,
Co bez kolybki i bez ôblyczki...
Ôn tyż na sianie lygo sam dycki,
Dyć do żodnego niy bydzie klupoł,
Bo ôn tak nisko jeszcze niy upod,
Woli se siedzieć w swojim chlywiku
I se kolynda nucić po cichu.
Fojerman
|
.png)