2007.01.07

Marzynia

Jak byda kedy bogaty,

byda już na pynzyji,

bez Ślónsk byda wandrowoł

i byda groł na cyji.



Byda wszystkim rozprowioł,

jak to downi bywało,

jak sie siodało przed laubóm,

przi piwku w szkata grało.



Na cyji byda przigrywoł,

pieśniczki od starzika,

o starym Ślónsku bojoł,

lepszy niż we krónikach.



Na miedzka wygodnie siedna,

pod staro brzózka, w ciyniu

i downy Ślónsk powróci

na chwila, we wspómniyniu.


Fojerman