2007.10.03

Jak tyn statek

Jak tyn statek na morzu dalekim

je szarpany bez wiatry i sztormy

i płynyć musi czynsto pod frónt,



Poniewiyrany był tyż bez wieki,

na wszystki stróny, biydny i czorny,

tak bliski sercu kożdego, Ślónsk.



Jak kożdy statek mo kapitana,

co chycić stery jego poradzi,

coby do brzegu dopłynyć móg,



Tak Ojcowizna czeko tyż na nas,

coby bezpiecznie jóm przeprowadzić

bez tysiónclecio trzecigo próg.



Tak, jak statkowi trza dużo pary,

coby pokónać umioł ta woda,

spiynióne fale na poły pruć,



Tak tyż Ślónskowi trza jego wiary,
coby do kupy szło sie dogodać,

a Ojcowizna we sercu czuć.



Jak wszystki statki majóm kómpasy,

coby omijać te burze wietrzne,

coby do portu dopłynyć móc,



Trza nóm wytyczyć, dlo wnuków naszych,

dlo Ślónska dalsze drógi bezpieczne.

Tak nóm dopómóż Bóg.


Fojerman