2018.12.08

Jo wola cep

Padajōm: „to je rzymiosło”,

A kożōm siodać do szifa,

Dyć, jak jo hyca te wiosło,

To piera nim, choćby klipa,

Jak cepym, na lewo a prawo.

Dziura zrobia we szipie.

Łōdka, bydzie dziurawo,

Utynie, abo sie kipnie.

Jo niy chca lyź do wody,

Potym mie w kościach łōmie.

Wierza, że mynij szkody

Narobia cepym we słōmie,

Tōż wola wziōnś tyn cep,

A młōcić nim we snopki.

To bydzie lepszo rzecz

Dlō naszej, ślōnskij, godki.

Ziorko ôdsieja ôd plyw,

Mōnka na żarnach pomiela.

Czy bydzie z tego chlyb?

Mōm tako cicho nadzieja.

Fojerman