2007.01.13

Lyki

Prziszoł roz Zefek z roboty

jakiś chory, niy swój.

Seblyk jakla i galoty

i lygo na szeslóng.



Nic sie niy chce,

w krziżu krynci,

ani do jedzynio

niymo dzisiej chynci.



Baba cało wylynkano,

niy dowo ji pokój,

sama niy wiy co sie stało,

co dolygo chłopu?



Jo poleca do aptyki,

spytóm aptykorza,

naszykować jaki lyki

dlo ciebie mu koża.



Aptykorz posłóchoł

i nic ji niy pedzioł,

jak mo pómóc jeji chłopu

ón już przeca wiedzioł.



Prziszła baba nazod,

lyki dała chłopu,

tyju do popicio

i siadła na boku.



Niy minyła chwila,

obloły go poty,

i naszły go wielki

chynci na gupoty.



Przaje babie, ścisko,

i yno mo mało,

a óna sie dziwi,

co sie chłopu stało?



W kóńcu uśli razym,

do sia przitulyni,

a rano stanyli

nowonarodzyni.



Po robocie prosto

chłop wloz do aptyki,

niy musi już baba

lotać mu po lyki.

Fojerman