|
2009-04-05
Je taki ogród
Je taki ogród, człowiek go stwarzył,
u nas, na Ślónsku , w krajinie wónglo,
kaj wszystko kwitnie, kaj kamiyń ożył.
Giszowiec, gniozdko sam se ulóngło.
A kónsek dali Nikisz czerwóny,
ze ańfartami rowniutko stoji.
Jak wojsko stojóm na warcie dómy
Coś już przeczuwo, czegos sie boji?
To Cysorz posłoł w bój na niewinnych
bagry, a spychy. Giszowiec zryty.
Chcóm stworzyć inny
świat robotniczy, świat z wielkij płyty.
To robotniczo je okolica!
Świat woło wónglo, świat woło chleba.
Z gruzu wyrosto Osiedli Staszica,
bo ludzióm miyszkań do życio trzeba.
Giszowiec liże sie z ciynżkich ran,
z Nikiszym ledwa kroczóm pod parzóm.
Czy teraz prziszoł na niego dran?
Tak o Zillmannach nowych durch marzóm.
Fojerman
|
.png)