2011.11.10

Vtipy, abo skisly plyn

Choć po czesku nie poradza.

Pora słówek Wóm sam wsadza,

Bo to je ciekawy kraj,

Tam mianujóm kviytniym maj,

Zamias gazu majóm plyn.

Wiatrok, to je vetrny mlyn.

Czesko gruba, to je dul,

A połowa, to tyż pul.

Kerownica, to je volant,

Telefónym sie tam vola,

Miyszkani tam, to bydleni,

U nas ni ma, u nich neni .

Autobany, to dalnice,

U nich vtipy, u nas wice.

Nómer, to po czesku cislo,

A skwaśniało, znaczy skislo.

Majóm nule zamias zer,

A kerunek, to je smer.

Tam muterki majóm matki,

A do zadku, znaczy zpatky.

Chcesz kartofle, kup brambory,

A nemocny, to je chory.

Luft, to je po czesku vzduch,

A pro dwa, znaczy dlo dwóch.

Kachna, to je czesko kaczka,

A kukófka, to kukacka .

Cug to je po czesku vlak,

A fojerman? Zgodnij jak.

Wiyncyj słówek nie znóm, szkoda,

Bo bych dalij loł ta woda.

Fojerman