|
|
|
2007.11.22
Do Ziymie
Ziymio Ślónsko, nasza żywicielko,
Co nóm pómogosz przetrwać wszystki lata,
Co sama siebie nóm dowosz z pojstrzodka,
Jak matka dlo dziecek swojich robisz wszystko.
Ty, co nóm łaska okazujesz wielko,
Wachuj, coby z szychty wróciył chłop i tata,
Coby wyjechoł bezpiecznie ze przodka,
Pod swojóm opiekóm miyj górników dycko.
Ziymio nasza, co dałaś nóm gruby,
A dostałaś hołdy, trujónce kóminy,
Ty, co dotykajóm Cie górnicze szkody,
Luft mosz zatruty i wszystko sie wali.
Zejrzij tyż Ziymio nasze troski, trudy,
Przebocz wszystki zaniedbania, winy,
Miłości matczynej okoż nóm dowody
I dej nóm móndrości, jako sam żyć dali.
Fojerman
|
|
.png)