|
2007.01.04
W rozmiarze XXL
Mosz ciała trocha za dużo?
Tóż to z uśmiychym wszystko bier.
Wiysz jaki fajne je życi,
taki w rozmiarze XXL.
Jak zima trocha na dworze,
to cie mo przeca co grzoć,
a jak sie kto przituli,
to tyż je czymu przoć.
Dyć nie myśl yno o tym,
czy zaś do galot wleza,
yno se pojydz, wypij,
jak idziesz na impreza.
Weź klusek pełny talyrz,
przi stole rzóndź i dziel,
piwa do kufla nalyj
i żyj w rozmiarze XXL.
Fojerman
|
.png)