2008.09.12

Zegroda, abo lipcowy śniyg

Jak za oknym deszczyk padze,

W październiku, w listopadzie,

Trza do góry podniyś głowa,

W sercu stworzyć se zegroda,

Kaj by sie uśmiychnyć szło,

Tóż spróbujcie tak, jak jo.



Móm zegroda na balkónie,

Kaj we kwiotkach wszystko tónie,

Zbudowano cało we szkle,

W grudniu wiosna je tam jeszcze,

W lufcie locóm szmaterloki,

Wypijajóm z kwiotków soki.



Jak za oknym wszystko w lodzie,

Wiosna je w mojij zegrodzie,

Bo, tak powiym całkiym szczerze,

Yno od nas to zależy.

Mie nie trzeba kalyndorza,

Sóm se pory roku tworza.



Przeca to od nas zależy,

Czy kto w bojki taki wierzy,

Wiek sam niyma wcale ważny,

Styknie trocha wyobraźnie.

Ale, co by nie przesadzać,

W lipcu śniyg tyż może padać.


Fojerman