2007.06.23

Pamiyntej o tym

Chocioż Cie życi wysłało w świat

i kilometrów dzieli Cie szmat,

Pamiyntej o tym...



Czy w Ameryce, w Niymcach, czy w Rusi,

dobrym człowiekiym dycko być musisz,

boś je Ślónzokiym...



Czy Ci sie w życiu dobrze ukłodo,

czy los Ci czasym noga podkłodo

i mosz kłopoty....



Chocioż niy zawsze sóm złote góry

i tyż na niebie sóm czasym chmury,

chyć sie roboty....



Bo Tyś to z mlykiym matki wycyckoł

i w sercu siedzieć bydzie Ci dycko,

żeś je Ślónzokiym...



Bo tyś je twardy jak wónglo bryła,

i do roboty mosz wielko siyła,

yno... zostóń Ślónzokiym.


Fojerman