2020.08.11

Piesek a kotek

Roz piesek se z desek zbiōł buda.

Mioł potym ze kotym ôstuda,

Bo piesek tych desek wziōn z płota,

A ani ô zdani sie kota

Niy pyto, a chyto cudzego,

Tōż praje te haje skirz tego.

Dyć zwady sōmsiady doś majōm,

Uznali, że dalij z tōm hajōm

Hned dōńdzie we sōndzie do zgody.

Syndzino zaczyno wywody:

Zamiyszko na dycko pies w budzie,

Kot mrugać na buda se pudzie.

Fojerman