2020.08.23

Echo

Loce echo po lesie

A nowiny sztyjc niesie,

Powtōrzo, co usłyszy:

Czamu kot chyto myszy,

Wiela lot mo wywiōrka,

Że słōńce przikryła chmurka,

Czamu dziyndzioł klupie po strōmie,

A zajōnc na szłapka chrōmie,

Co stroka warzi na ôbiod,

Co mały sornik nazgobioł.

A kukōwka bydzie mieć małe.

I tak bez lato całe.

Dyć tyż, jak przidzie zima,

To echo cicho niy ma.

Tōż znerwowało to wilka.

- Bydź cicho chocioż na chwilka!

Wielasz to idzie wrzeszczeć,

Dziecka ôbudzisz mi jeszcze.

- Przeca jo siedza cicho

A żodyn by mie niy słyszoł,

Kej sie ôdezwie sam ktoś,

To jo powtōrza tyn głos.

Fojerman