2007.10.07

Familijo dymbiónkowo

Echo po lesie niesie

ta staro bojka ludowo,

że żyła kedyś w lesie

familijo dymbiónkowo:



Była mama dymbiónka

i był dymbiónka tata,

była mało Iwónka

i miała Krzysia brata.



Cało familijo dymbiónek,

borówki na obiod jodała,

pod grzibym miała dómek,

liściami sie przikrywała.



Wszyscy ich w lesie znali,

od wilków, aż po bobry,

bo, chocioż byli mali,

to mieli serca dobre.



Szoł kedyś chłop na grziby,

zejrzoł kozoka z daleka.

Ale cóż to za dziwy?

Spod grziba coś ucieko.



Uśmiychy miały na gymbach

i były w śmiysznych chutkach,

tóż tak powstała legynda

o małych krasnoludkach.



Jak kedy na grziby pódziecie,

zejrzicie te małe chutki,

to pamiyntejcie dzieci:

to nie sóm krasnoludki.


Fojerman