|
|
|
2008.12.19
Brzimowo chojinka
Kómbinowoł kedyś brzim,
jako sam pogodać, z kim,
coby Gody były w lecie.
- Wtedy żech je piykny przecież,
wóniom fajnie, kolorowo -
tak se tyn brzim kómbinowoł.
- Jegły dycko mi urosnóm
i króluja w lesie wiosnóm.
Jak zrobiymy w lecie świynta,
weznóm brzima na chojinka.
Pooblykóm sie w lameta,
byda świyciół sie z daleka.
Usłyszala brzózka brzima,
co bez listków była w zima.
- Coś to zaś wymyślół brzimie,
nie wygupiej sie sam przi mie,
dyć chojinkóm były dycki:
świyrki, jodły, a sośniczki.
Fojerman
|
|
.png)