2007.11.24

Zima w lesie

Sośniczka jegły do sia tuli,
coby sie schrónić przed mrozym,
okryto w śnieżnyj koszuli
i czeko,
i czeko,
i czeko.

Śpióm już strómy i krzoki,
zajónce usły pod miedzóm,
za morze uciykły ptoki,
daleko,
daleko,
daleko.

Wszyndzi cicho i bioło,
wszystko we śnie zastyglo,
yno z daleka coś woło,
to echo,
to echo,
to echo.

Wszystko dokoła drzymie,
śniyg skrzipi pod nogami
i las, aż zima minie,
przeczeko,
przeczeko,
przeczeko.


Fojerman