2014.03.30

Lepszy je....

Lepszy fōnt uciechy,

Niż złości dwa miechy.

Lepszy ni mieć szwigermuter,

Niż od futer w dōma butel.

Lepszy minyć jedne jasne,

Niż strzewiki mieć za ciasne.

Lepszy nadzieja pod swojim dachym,

Niż o sōmsiadka czekać ze strachym.

Lepszy babie schować zdrzadła,

Niż mo widzieć wiela zjadła.

Lepszy kozanio słōchać od farorza,

Niż ci to baba mo potym powtōrzać.

Lepszy nosić pod parzōm,

Niż parzić pod nosym.

Lepszy burdel w taszce,

Niż taszka w burdelu.

Lepszo bania do kōmpotu,

Niż kōmpot do bani.

Lepsze życi na kryka,

Niż kryka na życi.

Lepszy kokotek w żurze,

Niż żur we kokotku.

Fojerman