2006.11.02

W szynku po wypłacie

W szynku po wypłacie

spotkali sie sómsiedzi.

Przi piwku i przi szkacie

tak fajnie sie im siedzi.



Tu spóminajóm stare dzieje,

stare pieśniczki śpiywajóm,

szynkosz piwo im leje,

jak prózne kufle majóm.



W szynku po wypłacie

sóm fajne te imprezy,

jedyn tam przegro gacie,

inkszy pod stołym leży.



W szynku po wypłacie

je fajnie i wesoło,

ale dej pozór kamracie,

byś nie szoł du dóm goło.


Fojerman