2012.07.30

Moja Godko

Och, piykno Moja Godko,

Jak jo fest przaja Ci.

Nieroz Cie za nic mo ktoś,

Mie sie po nocach śnisz.

Jo nie dōm Ci sam, Godko,

Zmiynić sie w hasiok słōw,

Bo Ty mi w gymbie słodko

Smakujesz, choćby miōd.

Tyś dlō mie, Moja Godko,

Je choćby złoty skarb.

Ty, jak na łōnce kwiotko,

Miynisz sie dyngōm farb.

Tōż sie nie starej, Godko,

Choć bydzie ciynżki szpil,

Jo wierza, że jak Bōg do,

Doczkōmy lepszych chwil.

Fojerman