2012.01.31

Godeczko Ty Nasza

Godeczko Ty Nasza,

Nasz chlebiczku z miodym,

Chciyj Ty zasmakować

Naszym dzieckóm młodym,

Co by Cie kosztować

Chcieli na kożdy dziyń,

Co by Ślónsko Mowa

Nie była sam w biydzie.

Wyrostosz na ziymi,

Krwióm potym, skropiónej,

Obrozkami tymi

Do siebie przekónej.

Niech poczuje kożdy

Ślónskość w swojij duszy,

Niech dowiy się prowdy,

Sumiyni go ruszy.

Godeczko Ty Nasza,

W Ciebie drzymie siyła.

Tyś w najgorszych czasach

Dycko z nami była.

Kwitnij nóm sam Godko,

Jak kwiotka na łóńce,

A ogrzywej mocno,

Jak majowe słóńce.

Fojerman