2007.10.30

W zygarze

Kryncóm sie wajzry w zygarze,

lecóm, jak szalóne,

możno bezto, że sóm w parze,

to sie gonióm óne?



Kedyś, jak żech był mały,

chcioł żech zatrzimać zygarki,

coby tak nie leciały,

coby nie przepaś bajki.



Nic nie pomógły czary.

Mama padała: guptasiu,

choćbyś zatrzimoł zygary,

to nie zatrzimiesz czasu.



I tak to cały czas

kryncóm sie dziejów tryba,

i nigdy żodyn z nas

ich nie zatrzimie, chyba.


Fojerman