Franciku, Franciku, co ty robisz tam?

Jo tam lygōm bez zima, tak bez zima,

Bo sie podzioć kaj ni ma, toć, toć kaj ni ma.

Boroku, boroku, co szukosz w tym hasioku,

Boroku, boroku, co ty szukosz tam?

Zbiyrōm biksy po piwie, toć po piwie,

Chca zarobić uczciwie, toć toć uczciwie.

Nō, co ty, nō co ty, dyć poszukej roboty,

Nō, co ty, nō co ty. Roboty sie chyć.

Idź na gruba, ci godōm, dyć, ci godōm,

Nie być lebrym za młody, toć, toć za młodu,

Starziku, starziku, co godocie, pierniku,

Starziku, starziku, co godocie sam?

Gruby downo zawrzyte, dyć zawrzyte,

A piniōndze przepite, toć, toć przepite.

Niestety, niestety, ni ma na cygarety,

Niestety, niestety, ni ma za co żyć.

Jak go biyda dopadnie, dyć dopadnie,

To drugimu ukradnie, toć, toć, ukradnie,

Mōj Ślōnsku, mōj Ślōnsku, co to bydzie na kōńcu,

Mōj Ślōnsku, mōj Ślōnsku, co to bydzie sam.

Jak nie bydzie roboty, dyć roboty,

To, co bydzie sam potym, toć, toć sam potym?

Wy młodzi, wy młodzi, co bydziecie sam robić,

Wy młodzi, wy młodzi, co zrobicie sam?

Pojadymy na saksy, dyć na saksy,

Bo tam bydzie inakszy, toć, toć inakszy .