2008.07.18
Dziwy z tej ziymie
Był kajś na swiecie
kraj tyn cudowny,
skurzóny w lecie,
w zimie śniyg czorny.
Chałupa krziwo,
sztymplym podprzyto,
tam taki widok
kożdy spotykoł.
W kraju tym wiydli
podziymne życi,
choć byli biydni,
to "w dobrobycie"
Chcesz iś na basyn?
Je całkiym blisko,
bo tam pod lasym
mosz zalywisko.
Jedzie se auto,
dróga mo pusto,
oroz coś praskło -
pół metra uskok.
Chłop se po szychcie
na ryczce drzimie,
wtym, jak coś rypnie,
aż poczuł ziymie.
Szyby tak zwónióm,
jak w nocy strzeli,
choćby ón z ónóm
z łóżka ślecieli.
I jeszcze tela
yno na kóncu:
czyby to była
bojka o Ślónsku?
Fojerman
|