|
|
2007.09.28
Do gniozda
Miyszkóm se tak na tyj ślónskij ziymi,
Miyndzy swojimi.
Miyndzy swojimi.
Móm sam robota, móm tyż chałupa,
Kamratów kupa.
Kamratów kupa.
Móm sam to wszystko, co potrzebuja.
Bogu dziynkuja.
Bogu dziynkuja.
Choć roztomańcie sie nóm ukłodo,
Tóż nic nie godóm.
Tóż nic nie godóm.
Możno wyjada kedyś za chlebym?
Dzisiej sóm nie wiym.
Dzisiej sóm nie wiym.
Ale na starość, wiym o tym przeca,
Nazod przileca.
Nazod przileca.
Chocioż je piyknie kyns świata poznać,
Wróca do gniozda.
Wróca do gniozda.
Fojerman
|
|