|
|
2007.11.19
Bo Ślónzoki
Niy ma to, jak być Ślónzokiym,
Godać tóm fajnistóm godkóm,
Siedzieć se przed familokiym
I piwko popijać słodko.
Ref:
Bo Ślónzoki sóm fajne chłopy
I do zabawy i do roboty,
Bo Ślónzoki wszyndzi poradzóm:
Na grubie, w szynku i w łóżku z babóm.
Pamiyntejcie wszystki babki:
Weźcie chłopa se Ślónzoka,
Ón je do wszystkigo wartki,
Od rana, aż do cimoka.
Ref:
Bo Ślónzoki sóm fajne chłopy
I do zabawy i do roboty,
Bo Ślónzoki wszyndzi poradzóm:
Na grubie, w szynku i w łóżku z babóm.
Pamiyntejcie wszystki chłopy:
Weźcie baba se Ślónzoczka,
Óna je fest do roboty
I poprzaje, kedy przoć trza.
Ref:
Bo Ślónzoczki sóm fajne baby
I chłopów gónióm sztyjc do roboty,
A jak przidzie ón z szynku słaby,
Baba do obiod, ścióngnie galoty.
Pamiyntejcie wszyscy razym,
Że najlepsze sóm Ślónzoki,
Tóż jak sie okazjo zdarzi,
Poradzóm se tyż i popić.
Ref:
Bo Ślónzoki sóm fajni ludzie,
do zabawy i do roboty,
Tóż, czy w chałupie, czy na grubie,
Piykne je życi, jak żeś Ślónzokiym.
Fojerman
|
|