2011.11.10
Płaczki żyrafy
Siedzi żyrafa, płaczki ji lecóm,
Choć nie do poznać po sobie dziecióm,
Że mo do płaczu powody,
Bo wiycie wiela wody
Żużyje óna do mycio
Karku, do kóńca życio?
Cały czas yno smarko
I boli jóm sztyjc w karku.
Choć zima je na dworze,
To szala kupić ni może,
Kupiła czopka zwykło,
Na szal wełny nie stykło.
Wysoko je trzi trzidziści
I w dźwiyrzach się nie mieści,
Musi sie dycko schylać,
Choćby puklato była.
A żodyn nie wiy w ZOO,
Że pleca jóm potym bolóm.
Kożdy sie przi nij krynci
I chce mieć fajne zdjynci.
Dzieci chcóm fotka cyknyć,
Tóż kożóm sie uśmiychnyć.
Jak sie mo śmioć, biydoczka,
Kej z płaczu czerwóne oczka?
Możno co poradzicie,
Żyrafie pómóc umicie?
Prosza, po znajómości,
Pómóżcie żyrafie w starości.
Fojerman
|