Mieli my dzisio fajnisto pogoda, toż po obiedziesiod żech do auta i pojechoł żech pod Raciborz, na Łynżczok. Je to jedyn z najpiykniejszych rezerwatow przirody na Ślonsku, a tyż i w Polsce. Leży on w gminieNyndza,kole wsi Babice,podRaciborzym, ponad 20 km odRybnika. Je to rezerwat stawowo- leśny,kery założyli w 1957 r, na starych terynach kaj żyli Cystersy już od XIII w. Cały teryn mo ponad 400 h, z czego samych stawow 250 h. Je to w dolinie Odry. Nie byda Wom pisoł, co tamje za zwierzyna, ani co tam za stromy rosnom,bo sie na tym nie znom za fest. To se możecie poczytać w jakich mondrych przewodnikach. Wiym yno że som tam dymby, bo duzo dymbionek pod nogami było, a ze ptokow to słyszoł żech gynsi. Pochodziył żech pora godzin dokoła tych stawow, podychoł fajnym luftym, posłochołptoszkow i pocykoł żech fotki. Jakby kery chcioł sie tam wybrać, to polecom. Możecie tyż pojechać tam na kole, abo wzionść kolo do auta i na miejscu pojeździć. Je tam dużo drożek do kołow i idzie wiyncyj pozwiydzać niż piechty.
Spomnioł żech, żete teryny należałykedyś do Cystersow, toż w drodze nazod do Rybnika pojechoł żech, bez Szymocice, obejrzeć do Rud, jak sie mo stary klasztor cysterski. Zostoł on spolony pod koniec wojny, bez Armio Czerwono i stoł pusty bez 50 lot. Odbudowany był yno kościoł. Dziepiyro w roku 1998 wojewoda Marek Kympski przekozol klasztor biskupowi glywickimu. Je tam teraz wielki remont, wymiyniajom dachy. W pojstrzodku nie wiym co je teraz, bo je zawrzyte. Dookoła je wielki park ze starymi stromami. Som klasztor majom wyremontować, na 850 lot Cystersow na Ślonsku, na bezrok. Unia Europejsko dała 10 mln E i mo być to wszystko odnowione kedyś.
Przi okazji wspomnia, że w Rudach je tyż stary banhof - skansyn od cuga na wonskich glajzach. Teraz je to fest zniszczone, glazjy czynsciowo rozkradli, ale jakiś cugi tam jeżdżom wycieczkowo na skroconej trasie.
Z Rud pojechoł żech bez Paproć i Stodoły do Rybnika. Tak skończyła sie moja wycieczka tropami Cystersow.