2007.02.06

Stare zdjyncia

Jak tak przeglóndóm kartki albóma

i siebie widza na starych zdjynciach,

to zaś wracajóm te downe czasy

i dó nich siyngóm swojóm pamiyncióm.



Fuzbal sie grało kajś po bosoku,

na polu, łónce, abo pod lasym,

"Sporty" kurziło sie przi hasioku,

piwko wypiyło z kómplami czasym.



Porzóndny Ślónzok wszystko spróbuje,

Gorolóm chaje tyż niy przepuści,

z dziołszkóm pobawi sie na muzyce,

w polu poprzaje ji, we kapuście.



Teraz minyły czasy młodości,

choć na zabawa byłyby chynci,

łyso je głowa i łómióm kości,

tóż mi zostało te stare zdjynci.


Fojerman