2008.09.25
Moda? Szkoda!
Godać po naszymu przichodzi do mody.
Jak grziby po deszczu wyrosły te stróny,
Kaj słowniki piszóm, na akord, na tóny.
Wymyślajóm jakiś cuda, nowomowy,
Żodyn niy pomyśli, wiela zrobiyl szkody.
Porobiyli jakiś tam wikipedyje,
Kożdy podle siebie se coś tuplikuje,
Tóż człowiek, jak chińczyk sie przi tymu czuje.
Te słowa, literki, jakiś kómedyje.
Tego nasza godka przeca niy przeżyje.
Fojerman
|