2023.11.16

Julian Tuwim „Rzepka”

Radiska

/kōnsek/

Posadziōł se starzik radiska w zegrodzie,

Chodziōł ôn radiska podlywać ô wschodzie.

Srogo jak ta bania urosła radiska,

Weźnie jōm, pokreje na ôbiod na miska!

Tōż chyciōł bōł starzik radiska za nać,

Ciōngnie, a rady ji niy poradzi dać!

Zawołoł se starzik ku pōmocy starka:

„Jo chyca radiska, ty sie mie chyć wartko!”

I biydny starzik, ze starkōm niybogōm,

Ciōngnōm, a ciōngnōm, dyć urwać niy mogōm!

Starka starzika,

Starzik radiska,

Och, przidoł by sie gdoś na dopiska!

Przilecioł wnuczek, starki sie chyto,

Poci sie, stynko, aże sie zadyszōł!

Wnuczek za starka,

Starka starzika,

Starzik radiska,

Och, przidoł by sie gdoś na dopiska.

Pocōm sie, dyszōm, a festy stynkajōm,

Ciōngnōm, a ciōngnōm, dyć rady niy dajōm!

(...)

Stanisław Neblik - Fojerman