Autor: Bracia Grimm

Tytuł oryginalny: Katze und Maus in Gesellschaft

Tytuł polski: Spółka kota z myszą

Tłumaczenie na j. śląski z j.polskiego ze strony:

https://pl.wikipedia.org/wiki/Sp%C3%B3%C5%82ka_kota_z_mysz%C4%85

Tłōmaczyni na j. ślōnski: Stanisław Neblik

2022.02.21

Sztama kota a myszy

Jedna mysz miała kota za przociela. Ugodali sie zamiyszkać ze sobōm, a do kupy kludzić swoja gospodarka. Kot radziōł narychtować forot¹ na zima, coby niy mieli utropy ze głodym. Kupiyli do kupy garniec fetu,² a skryli go we kościele pod ôłtorzym, kaj, rachowali, co bydzie zicher.³ Dyć jedyn roz kot dostoł pypcia⁴ na fet. Tōż wyloz ze chałupy, niby na krzciny dziecka ôd swojij kuzynki. Tak rychtyk⁵ poszoł do kościoła, a zjod trocha fetu ze wiyrchu. Jak prziszoł nazod, mysz spytała sie go, jako sie mianuje ôkrzczōne dziecko. Kot pedzioł, że Powiyrchu. Mysz uznała, co to je niyôbyczajne miano.

Za jakiś czas sytuacyjo powtōrzyła sie. Kot wyloz ze chałupy, zaś niby na krziciny, a wyjod garniec fetu do poły. Jak prziszoł nazod, padoł myszy, co nowe dziecko mianuje sie Dopoły.

Zaś potym jedyn roz kot dostoł pypcia na fet. Zaś nasmyśloł, a poszoł ze chałupy i zjod wszystko aże do spodku. Jak prziszoł nazod, to padoł myszy, że nowe dziecko mianuje sie Dodna.

Jakiś czas potym prziszła zima, a ôba zaczli czuć głōd. Mysz spōmniała se o tym narychtowanym forocie. Poszła do kupy ze kotym do kościoła, jednakowōż pokozało sie, że garniec niby stoji na swojim placu, ale je prōzny. Wtynczas mysz wykapowała rychtyczny⁶ powōd tych wandrōwek ôd kota, a te niyôbyczajne miana ôd dziecek. Zaczła robić kotu haja. Wtynczas kot chyciōł jōm pazurami a zjod.

Fojerman